दश रुपैयाँ दिएर ललाई फकाई करणी गरेको खुलासा
तेह्रथुम (तीनजुरे पोष्ट) । दश वर्षीय बालिकालाई जवरजस्ती करणी गरेको आरोपमा तेह्रथुमको लालीगुरा“स नगरपालिका–१, रातोपाटीका ३९ वर्षीय झमक गुरुङलाई प्रहरीले पक्राउ गरेको छ ।
लालीगुराँस नगरपालिका–९, लसुने स्थित ससुरालीमा टिका लगाउन गएका गुरुङले गएको शुक्रबार सांझ करिब ६ बजे सुस्त मनस्थिति भएकी बालिकालाई १० रुपैयां दिएर ललाईफकाई करणी गरेको इलाका प्रहरी बसन्तपुरका प्रहरी निरीक्षक गीतनारायण चौधरीले जानकारी दिनुभयो ।
बालिकाकी आमा घांंस काट्न गएका बेला घर नजिकैको गोठमा गुरुङले बालिकालाई जबरजस्ती गरेको भन्दै आफन्तले प्रहरीलाई किटानी जाहेरी दिएपछि प्रहरीले गुरुङलाई पक्राउ गरेको हो ।
प्रहरी निरीक्षक चौधरीका अनुसार गुरुङले अत्यधिक मदिरा सेवन गरी बालिकालाई १० रुपैयाँ दिएर ललाईफकाई करणी गरेको खुलेको छ । पक्राउ गरिएका गुरुङलाई मंगलबारबाट १० दिनको म्याद थप गरी बसन्तपुर प्रहरीले अनुसन्धान थालेको छ ।
No comments:
Post a Comment