म्याङ्लुङका दुई मन्दिर सरसफार्इ

तेह्रथुम (तिनजुरे पोष्ट) । दशैँ नजिकिएसँगै सदरमुकाम म्याङलुङका दुई वटा मन्दिर सरसफाइ गरिएको छ । 

चाडवाडका बेला भक्तजन्को संख्या पनि बढ्ने र आवतजावत् बढी हुने भएपछि म्याङलुङबजारको सिंहवाहिनी भगवती मेयङलुङ देवीस्थान र बसपार्क नजिककोे बाघकोरे (पाथीभरा देवी)को मन्दिर सरसफाई गरिएको हो । विभिन्न संघ संस्था र व्यक्तिहरुको आर्थिक सहयोगमा समाजसेवी शुभभगत प्रधानाङ्ग, रोशन श्रेष्ठ र सुनिल प्रधानको अगुवाईमा सरसफाइ तथा रंङरोगन गरिएको हो ।

 मन्दिर सरसफाइ तथा रङरोगनका लागि गुराँस बचत तथा ऋण सहकारी संस्थाबाट ५ हजार, नेपाल सुनचाँदी कला व्यवसायी समाज तेह्रथुमबाट ३ हजार २ सय, सहयोगी बचत तथा ऋण सहकारी संस्थाबाट २ हजार, जय अम्बे माता भेनियरबाट १ हजार, तेह्रथुम उद्योग बाणिज्य संघबाट २ हजार, सविन निर्माण सेवाबाट १ हजार, उज्वलता ढाका कपडा पसलबाट १ हजार, व्यवसायीहरु रविन पासवान र टंक ढुंगानाबाट १–१ हजार, गोकुल सुवेदीबाट ८ सय रुपैयाँ गरी कुल १८ हजारको लागतमा सरसफाइ तथा रङरोगन गरिएको हो ।

 त्यसमा सिंहवाहिनी देवीस्थान सरसफाईका लागि नेपाली सेना र पाथीभरा मन्दिरका लागि नेपाल प्रहरीले श्रम सहयोग गरेका थिए ।